यशोगाथा: कृषी सहाय्यक पदाची नोकरी सोडून उभारलं शेळीपालन, वर्षाला कमवतो पावणेदोन कोटी; कसे? जाणून घ्या सविस्तर..
यशोगाथा: शेळीपालन (shelipalan) हा व्यवसाय अलीकडच्या काळात मोठ्या संख्येने वाढताना दिसतोय, शासन (government) देखील या व्यवसायाला अनुदान देत आहे. खासकरून शेतकऱ्यांसाठी (farmers) तर शेळीपालन (goat) हा व्यवसाय मोठी पर्वणी ठरत आहे. शेतीत अफाट कष्ट आणि कमी उत्पन्न असल्याने, शेतकरी या व्यवसायाकडे वळताना दिसतो आहे. फक्त शेतकरीच नाही तर अनेक मोठे अधिकारी देखील शेळीपालन व्यवसाय मोठ्या आवडीने करताना दिसून येतात. आज आपण अशाच एका कृषी अधिकाऱ्याने शेळी पालन व्यवसायात कशी गरुडझेप घेतली हे पाहणार आहोत.
पाथर्डी या दुष्काळग्रस्त तालुक्यातील राहुल खामकर आणि सतीश शेळके या दोन तरुणांनी एकत्र येऊन,शेळीपालन व्यवसाय करायचं ठरवलं. या मोठ्या पदावर कार्यरत असणाऱ्या राहुल खामकर यांनी सरकारी नोकरी सोडून हा व्यवसाय उभा करण्याचा निर्णय घेतला. सरकारी नोकरी सोडल्यानंतर राहुलला अनेकांनी वेड्यात करायला सुरुवात केली. एवढ्या मोठ्या पगाराची नोकरी सोडून या व्यवसायकडे वळत असल्याने जवळच्या नातेवाईकांनी देखील राहुलला फटकारले. राहूलला सुरुवातीपासूनच शेतकऱ्यांमध्ये राहायला आवडत होतं.
इच्छाशक्ती आणि आसपासच्या लोकांचा विचार केला नाही, तर यश तुमची वाट पाहत असतं. असं राहूल म्हणतो. अनेकांनी मी कृषी सहाय्यक या पदाचा राजीनामा दिल्यानंतर नावे ठेवली. मात्र मी या कोणाचाही विचार न करता आपल्या निर्णय कसा योग्य होता, हे दाखवून देण्यासाठी धडपड सुरू केली. ् सुरूवातीला आम्ही वीस शेळ्यांपासून सुरुवात केली. राहुल म्हणतो, त्यानंतर मी हळूहळू १३ विविध प्रजातीच्या शेळ्या शेडमध्ये आणायला सुरुवात केली. हळूहळू या शेळीपालनाची निर्मिती मोठ्या कंपनीत झाली.
20 शेळ्यांपासून सुरुवात केलेल्या या व्यवसायाचे कंपनीत रूपांतर झाले. आज आमच्याकडे सातशे शेळ्या असल्याचे राहुल सांगतो. आज आम्हाला जरी यश मिळाले असले, तरी हा निर्णय नक्कीच सोपा नव्हता. आपण यशस्वी होऊ की नाही असा प्रश्न एकेकाळी मनात आला होता. मात्र, नोकरीत मन रमत नव्हतं. शेतकऱ्यांशी आणि लोकांशी नेहमी संपर्कात राहणं मला आवडत असल्याने, मी उत्पन्नाचा फारसा विचार केला नाही. आणि अखेर शेळीपालन व्यवसाय करण्याचा निर्णय घेतला.
कृषी सहाय्यक पदाची नोकरी सोडल्यानंतर, अनेकांनी मला वेड्यात काढण्याचं काम केलं. एवढेच नाही, तर नातेवाईक देखील नावे ठेवू लागली. मात्र शेळीपालनात मी यशस्वी झाल्यानंतर याच लोकांनी माझं कौतुक देखील केलं, या गोष्टींचं आज खूप समाधान वाटतं. या शेळी पालन व्यवसायातून उत्पन्नाविषयी बोलताना राहुल म्हणाला, या शेळीपालन व्यवसायातून आम्ही तब्बल वर्षाला पावणे दोन कोटी रुपये कमवतो. उत्पन्नाविषयी सविस्तर माहिती देखील राहुलने दिली.
वर्षाला पावणे दोन कोटी उत्पन्न
राहूल आपल्या उत्पन्नाविषयी माहिती देताना म्हणाला, वर्षाला एक कोटी चाळीस लाख आम्ही शेळी विक्रीतून घेतो. शेळीच्या दूध विक्रीतून दोन लाख चाळीस हजार मिळतात. तर लेंडीखतापासून दोन लाख रूपये मिळवतो. शेळी पालन कसे करावे? या संदर्भात आम्ही यूट्यूब चैनल देखील काढला आहे. या प्रशिक्षणाच्या माध्यमातून आम्ही वार्षिक 12 लाख रुपयांचे उत्पन्न मिळवतो. अशाप्रकारे आम्ही पावणे दोन ते दोन कोटी रुपये वार्षिक उत्पन्न मिळवत असल्याचं राहूल सांगतो.
हे देखील वाचा पशुसंवर्धन विभागाचा ऐतिहासिक निर्णय; शेळी पालनासाठी तब्बल एवढे अनुदान, असे मिळवा अनुदान
Ration Card: आता या लोकांचे रेशन कार्ड होणार बंद! सरकारचा महत्वपूर्ण निर्णय
आमचे सर्व लेख मिळवण्यासाठी फॉलो करा : फेसबुक । ट्विटर । इंस्टाग्राम । टेलिग्राम
