विद्यापीठाच्या सत्र परीक्षा लावणीवर जाण्याची शक्यता

सावित्रीबाई फु ले विद्यापीठाने (पुणे विद्यापीठ)   ऑनलाइन पद्धतीने सत्र परीक्षा घेण्याचे जाहीर के ले होते. मात्र ऑनलाइन परीक्षा घेण्यासाठी असणाऱ्या खासगी कंपनीची नेमणूक रखडल्याचे समोर आले आहे.  कं पनीची नेमणूक, करोनाचा वाढता प्रादुर्भाव या सगळ्यामुळे परीक्षा लांबण्याची शक्यता  नाकारता येत नाही.

विद्यापीठाकडून अंतिम वर्षांच्या परीक्षा ऑनलाइन पद्धतीने घेण्यासाठी एका खासगी कं पनीची नेमणूक करण्यात आली होती.  त्या वेळी एक वर्षासाठी या कंपनीसोबत करार करण्यात आला होता. त्यानंतर अंतिम वर्ष परीक्षेनंतर श्रेणीसुधार आणि विषय राहिलेल्या (बॅकलॉग)  विद्यार्थ्यांच्या परीक्षेचे कामही त्याच कं पनीकडून करून घेण्यात आले होते. आता विद्यापीठाकडून सत्र परीक्षांचे नियोजन करत असताना ऑफलाइन पद्धतीने परीक्षा घेण्याचा विचार सुरू होता.

मात्र कारोनामुळे शैक्षणिक वर्षाला झालेला उशीर, शैक्षणिक वर्ष ऑनलाइन पद्धतीने झाल्यामुळे परिक्षदेखील ऑनलाइन पद्धतीनेच घेण्याची विद्यार्थ्यांची मागणी विचारात घेऊन विद्यापीठाच्या परीक्षा व मूल्यमापन मंडळाने ऑनलाइन परीक्षा घेण्याचा निर्णय घेतला.  ही परीक्षा प्रॉक्टर्ड पद्धतीने  व बहुपर्यायी (Multiple Choice Questions) स्वरूपाच्या प्रश्नांसह दीर्घोत्तरी प्रश्नांचाही समावेश प्रश्नपत्रिकेमध्ये  करण्याचा निर्णय घेण्यात आला आहे. प्रथम वर्षाची परीक्षा ३० मार्चपासून आणि अंतिम वर्षाच्या परीक्षा २० मार्चपासून घेण्याचे विद्यापीठाकडून जाहीर करण्यात आले होते. त्यानंतर विद्यार्थ्यांना परीक्षेसाठी अर्ज भरण्यास सांगण्यात आले होते.  आधीच्या कंपनीसोबत एक वर्षासाठी करार  असतानाही सत्र परीक्षेसाठी पुन्हा नवीन कंपनीची नियुक्ती  प्रक्रिया सुरू आहे. त्यामुळे नव्या कं पनीची नेमणूक, निवडलेल्या कंपनीला परीक्षा प्रक्रिया, व्यवस्थेशी जुळवून घेण्यास काही वेळ लागण्याची शक्यता आहे.

दोन्ही सत्रांच्या परीक्षा एकत्रच  घेण्याची मागणी देखील करण्यात येत आहे.

शैक्षणिक वेळापत्रक पूर्ववत होण्यासाठी विद्यापीठाने प्रथम आणि द्वितीय (1st and 2nd Semester)  सत्राची परीक्षा एकत्रच घेण्याची मागणी अधिसभा सदस्य डॉ. पंकज मिणियार यांनी कु लगुरू डॉ. नितीन करमळकर यांच्याकडे निवेदनाद्वारे के ली आहे. विद्यापीठाच्या वेळापत्रकानुसार  जवळपास दीड महिना ही परीक्षा चालणार आहे. यामुळे द्वितीय सत्र आणखी लांबणीवर पडून द्वितीय सत्र सुरू होण्यासाठी मे उजाडणार आहे. परंतु विद्यापीठाने जाहीर केलेल्या वेळापत्रकानुसार ३१ मे रोजी शैक्षणिक वर्ष संपणार आहे. उन्हाळी सुटी झाल्यानंतर द्वितीय सत्राचे कामकाज पूर्ण करून दिवाळीपर्यंत द्वितीय सत्राचे कामकाज संपेल. त्यामुळे विद्यापीठाने प्रथम सत्र परीक्षेसाठी दीड महिना देण्यापेक्षा तत्काळ  द्वितीय सत्राचे वर्ग सुरू करून एकत्रितच दोन्ही सत्रांची परीक्षा घ्यावी. त्यामुळे पुढील शैक्षणिक वर्ष वेळेत सुरू होऊ शके ल, असे डॉ. मिणियार यांनी आपल्या निवेदनामध्ये स्पष्ट के ले आहे. मणियार यांनी हीच मागणी जानेवारीत झालेल्या अधिसभेतही के ली होती.

  प्र कुलगुरू, डॉ. एन. एस. उमराणी (सावित्रीबाई फुले विद्यापीठ पुणे)  यांना यांबाबत अधिक विचारले असता त्यांनी सांगितले सत्र परीक्षेच्या संभाव्य तारखा या पूर्वीच जाहीर करण्यात आल्या  आहेत.  ऑनलाईन परीक्षेसाठी  असणाऱ्या  कंपनी नेमणुकीची प्रक्रिया हा अंतर्गत भाग आहे. करोनाच्या वाढत्या  प्रादुर्भावाचा परिणाम परीक्षा लांबण्यावर काही प्रमाणात होऊ शकतो, असे त्यांनी सांगितले.